靚肥's profile靚肥這個漸漸厚大的blogPhotosBlogGuestbookMore  |  Tools Help |
靚肥這個漸漸厚大的blogcarol_klf@hotmail.com
|
|
我的工作!我的工作是
在眼睏的狀態下看著客人進食美食!
在眼睏和疲倦的狀況下收拾客人吃過美食後的器皿。
在眼睏與疲倦及飢餓的交纏情況底下等待享用完美食過後的客人離開...
在每日的中午和星期五、六、日及公眾假期是以奔跑式的情形下做以上的工作;
而星期一至四就是用罰站式的情形下做以上工作。
多謝各位! [1].gif) 30-6-09~老豆製作鹽焗蟹之過程大披露!上回講到我老豆曾經整過我俾98分既鹽焗蟹啦~今回我就圖文並茂介紹佢既製作過程,有興趣既朋友就學野喇!
首先!第一步!就係去買蟹啦! 蟹方面,我地係會揀大肉蟹。今日我老豆就係買左價值一百五十蚊兩隻既青色大肉蟹(其實都唔係太大,因為我地係窮等人家,百五蚊兩隻係好好同抵食架喇)。買既時候必須買活生生既,買到返屋企,就放佢地入雪櫃,但唔好放d貴重野o係隔離,因為佢地真係會周圍走。雪佢一段時間,雪到佢地暈舵舵喎!到整既時候就浸冰水一陣,浸到佢地再暈舵舵喎!浸完一陣再灌佢地飲少少白蘭地,等佢地更加暈舵舵喎!(我冇吹水,老豆係咁教既,確保佢地暈到唔識反抗,係因為到焗佢時唔可以令佢有能力掙扎而甩腳流出精...華出來。
 開火燒熱d油再放幾片薑,
 返轉隻蟹放落鑊度,再放d粗鹽o係佢地既肚仔上面,之後再落白蘭地,大約圍住蟹倒一個圈啦!
 之後就扲蓋校到最慢火,呢兩隻蟹就焗廿五至三十分鐘。
夠鐘就熄火開蓋,全屋就香到不得了呀!!
  呢個鹽焗蟹真係老實無吹水,好食過什麼橋底炒蟹多多聲!
經濟抵食,製作簡單!仲使咩用幾百蚊去食果d肉又實又鞋既橋底炒蟹呀~~
今天想起的酒後失儀事件...長期飲酒既我時常都有酒醉後既失儀,其實平時我都經常做出啲失禮事情。酒醉後既我就更加過份...返到屋企醉斜而撞到周圍啪啪作響;一攤係床度就除左條褲就訓,仲要係熟睡狀態!
好似今日我搭的士,就令我想起大約兩三年前我飲醉後既笑料...
話說當晚我都飲到超大,明知超大既我就選擇搭的士。我一上到的士就醉斜打側咁訓左係後排同司機講我要去邊度(當然真係返屋企啦),司機就起程開車。大約十幾秒後,我彈左起身,同司機講:「你咪諗住車我去邊度非禮我呀~我記低左你車牌架!」... ...之後又訓返係度...(司機當時就梗係無理過我啦...可能佢當時諗:你無撚野呀?!死肥妹!)
今晚我搭的士就梗係正常啦,只係我見到司機個名牌令我想起呢件低能事。點都好~呢件就肯定係我十大酒後失儀事件之一。。。!
消息前幾天得知好朋友的親人因癌病到了另一個世界,看著她依依不捨地哭著跟我們說他的過程,聽得我心很痛...
近期好像聽得不少"離去"的消息,不要太傷心,他們只是到了另外一個世界,他們會在那兒看守著你的。
請，珍惜眼前人吧!
而今天看報紙,亦見到一則報導,一個七旬婆婆因中風不幸離去。但她遺愛人間,家人將婆婆的肝臟和腎臟捐出給有需要的人,這是個不幸而亦感到欣慰的消息。
現在世界越進步,化學物質亦多,什麼流感、什麼癌症、什麼器官衰竭亦越來越多...前兩者可說是用藥物或化療醫治,但器官衰竭是不可根治的,器官衰竭就是它的功能已癈了,是不可復原的,就是唯有『器官移植』。
現在在香港,等待換腎的病人有一千五百多個,等待換肝的有一百多個,眼角膜的四百多個,而心臟或其他的亦有幾十個...如您的親人不幸離世,而器官又適合捐贈的話,請遺愛人間吧!
如親人不幸去世,只要家人願意,捐贈器官燃亮其他人的生命吧!請細想,親人雖然離去,只要捐出器官,即是他部份的身體亦在這世上還活著,是不幸的大幸吧!亦想想,等候器官移植的病人是您的家人,您亦希望家人生命得以延續吧!
請支持器官捐贈!現在網上可以登記,只要填寫表格,使有意捐贈者身故後捐贈器官的意願得以記錄,亦將自己意願告知家人。
19-1-09~請你行開吧!估唔到,呢兩年,我依然仲係一個衰人,係你心目中既一個衰人.
呢兩年我好唔開心好低落過,係人都知道!差不多我身邊所有人都知道我有幾咁錯過.
我試過兩晚喊一次你知唔知?我試過想死你又知唔知?
身邊既朋友亦都知道我,相信我唔會再犯同一個錯.
我好唔開心都搵過你,好開心亦都搵過你!
但我估唔到同你識咁耐,你都仲會咁樣諗我,咁樣o係人背後話我.
我得罪你d咩野?!你點解要咁樣傷害我...
我真係好討厭你!同你做朋友都無意思!唔該,你行開d啦!好失望...你好假呀!!! 2008!估唔到...08年我收到最大嘅禮物──係你! 28-11-08~n年的我!廿幾年的辛勞,就是廿幾年的報答;
廿年的教導,就是廿年的長大;
十幾年的辛勤,就是十幾年的結果;
十年前那回憶,就是十年後的味道;
八年前那愚蠢,就是八年後的懂事;
七年前那虛榮,就是七年後的尷尬;
六年前的堅持,就是六年後那訓導;
五年前的不幸,就是五年後那幸運;
四年前的任性,就是四年後那遺憾;
三年前的禮物,三年後還滋潤;
兩年前的開心,兩年後才後悔;
一年前的傷心,一年後才珍惜;
昨天的兒戲,就是今天的認真;
那時的錯,就是現在的對!
很玄吧?!我都不知道自己想說什麼~"~
 在別人面前多堅強!
但原來,我眼睛還會懂得垂淚......
22-11-08~山頂嘅頂開party!當晚我地食完宵夜,我同傑仔講我想遊車河,佢就買埋啤啤,車左我地上山頂喇!
上到去停車場空地,就問佢"呢度係邊度?"
佢答"山頂囉~"
"我夠知係山頂啦~係山頂既邊度呀?"
"山頂既頂囉!"
於是,我地四個就o係山頂既頂開party喇!
空地都無人,人地就話打野戰啫,但我地就開大架車既喇叭,仲o係出面...跳舞!
炸到幾大聲都無人理,玩到幾咁癲都無人見到。
仲拎左個掃把扮結他,圍住個雪糕筒跳舞...
但真係玩得堅開心,我地四個一致認為咁多次聚會中,最開心係今次!
不過第二日真係跳到對腳好酸軟...
唔知...黎緊既星期五,仲會唔會闖上去呢?!
 屈服!我阿媽都頂我唔住,話我著來著去都係o個幾件衫。於幾日前,佢老人家忍唔住要出手喇!買左兩件衫俾我...
ok~ok~我屈服喇~~~ 好!我要的起心肝,俾心機咁shopping行街買o野囉!
所以o係呢幾日,我好有心機咁買左好多野~
嗱~嗱~嗱~準備喇!!一口氣咁數出黎,唔可以有抖氣位：
我買o左→兩個胸圍四條底褲三件衫一條褲一條裙一件褸一對鞋一條腰帶一個袋!!!
... ...其實唔係好多啫... 我要再努力!!!!!!!!!!!!!!!!!
感情事~近期有好幾個人問我他的感情事.
我已是一個沒拍拖兩年的小女孩,我知道有事煩會想問問別人意見,但...我不知道!
我連拖手的感覺都忘記了,我又如何去解決你的問題.
我只知道,我每日無無聊聊的過,不用煩惱.吃飽睡,睡醒做.
我只抱著:兩個人一起,互相遷就就好了,無謂一方辛苦自己而迎合對方.
亦不要因為想有人陪而無無謂謂找個人一起,沒意思~
只要兩人相愛,很多錯事煩惱事,只要信任對方,一個擁抱,不用說話,已原諒了! 23-9-08~承諾對現!上回講到9號風球睇浪睇唔成,而相約下次既8號風球去睇浪,3點幾鐘就有個默契既電話打黎相約睇浪!
差不多4點鐘,雖然8號颱風未掛,但我地都去左北角碼頭感受「黑格比」.
不過冇野睇啦,又冇浪,風又唔夠強.可能早啦未打到黎.流流地,狂影相個颱風feel都影唔到出黎!
只好拍個短片feel下!(按此)
但我地又好無聊咁o係碼頭癲左兩個幾鐘...
1-9-08~我患上怪病!我一直以來都覺得我係有怪病在身,病情愈來愈嚴重。
我同我某幾個好朋友講,佢地都覺得我好嚴重。我唔敢睇醫生,我怕接受現實。因為我怕醫生同我講我既病係冇得醫,係絕症。
一路以來我都唔敢講,因為我真係好怕身邊既人擔心我、離棄我。
但今日,我要將我既病情公告天下,係因為我想你地可以珍惜下我,多d爭取時間見我,多d找機會請我食飯、睇戲,多d藉口買禮物送俾我,多d理由關心我...
而近排,我既病情好嚴重。我好驚~我真係好驚~我真係好驚我係冇得醫...
 我希望你地唔好排斥我,我而家就同大家講我既病徵:
我發現我係食極都唔飽、訓極都唔夠...返工就想收工、收工就想食野、食飽又想訓覺...朝早夠鐘返工又唔想起身,起左身又唔想返工...返工就偷懶唔做野,收工返屋企又咩都唔想做...
我既病徵大約係咁啦!我諗我真係冇得醫架喇~~~
所以我再重申一次──我要將我既病情公告天下,係因為我想你地可以珍惜下我,多d爭取時間見我,多d找機會請我食飯、睇戲,多d藉口買禮物送俾我,多d理由關心我...
25-8-08~炸彈!舉辦奧運前,周圍都有疑似炸彈。而家奧運搞完喇,閉幕禮都搞完既第二日,大江戶有人派炸彈。呢個唔係疑似炸彈,經我呢個拆彈專家證實,呢個係好可怕而且殺傷力嚴重既紅色炸彈!
呢個紅色炸彈炸到大江戶所有人全軍覆沒,無一幸免!而且個炸彈殺傷力超強,佢有追蹤裝置,可以追蹤到潛左水失蹤既茂丙。而佢亦都係個遠程炸彈,炸傷埋沙頭角既丙昆。
收到炸彈既人,都同樣出現焦慮、煩躁、恐懼、不安、心煩、多疑、頭暈、冒汗、抑鬱、暴躁、失眠、口乾、咳嗽、流鼻水、打噴嚏、食慾不振、心跳加速、血壓上升、大便失禁、小便刺痛、經期不穩、前列線肥大等等...
要解決以上徵狀,就要各人合力玩新郎!
如有任何人有抵死玩新郎既玩意提議(無錯,係玩新郎),歡迎提供!
22-8-08~默契與承諾我愛默契!我喜歡有默契的同事、有默契的朋友、有默契的家人!亦希望擁有有默契的情人!
在我心目中,默契的意思就是大家知道對方所想而亦做到大家想做的事。不用說話,一個眼神,甚至心靈感應,就知道了!
好幾個不用上班的颱風日,大家都不約而同的找對方。我不知道是無所事事還是什麼原因,但我真的很高興你們閒時還會想起我,致電給我,還約會我。
上年的『輸了畫一筆』、今年的『新和富』和『掏心窩』,雖然是簡簡單單的聚會,但是都開開心心的跟你們兩個pk一起渡過。
還記得我們的承諾嗎?!下一個8號風球,要相約到海邊冒著『抵死』的危險睇浪!
還有那勾過手指欠我十餐的承諾!!!!!
我算係咁啦~呢餐我埋左喇!黎緊十餐唔好扮失憶賴皮呀!!! 16-7-08~簡家小女有口福了!話說我老豆放假,佢就去左街市百五蚊買左兩隻蟹同我一齊邊飲邊食!
生前冇同佢好好影張相,佢係青色架,老豆話佢係澳門蟹,大家都係第一次食. 老豆就用鹽焗方法去炮製佢,熟左當然就紅色啦!但就真係"超好食呀!"
我第一口食個蟹蚶,個感覺就好似伙頭仔昆布個卡通片咁,好食到雙手托住個面豬燈o係天花同個地下來回彈左五十幾次咁去形容"真係好好味呀~~"
個蟹蓋雖然唔多膏,但都好香好野味! 22-5-08~tell me please!由於我上星期遺失手提電話，連同電話咭內所有號碼一同失去。 請各位朋友，用任何方法(電郵/電話/MSN)告知我你的電話號碼!謝謝! 16-5-08~強烈的掛念!今日我遇見三件事,呢三件事都令我好掛住一個人!
1)今日有個客人包住隻腳,用拐杖一拐一拐咁行入黎食野。得知原來佢打羽毛波拗柴。我望住佢隻腳,我真係好"心酸"。
2)今日婷婷個blog post佢堂弟結婚相。我知道又有一對情侶結婚,我有一陣"心噏"。
3)今日睇到大地震一個新聞,一個爸爸徒手三小時挖掘佢12歲既女兒,救出佢女兒之後既呢一段採訪片段中(短片),個女不停叫佢爸爸唔好喊,呢個情境我好"心痛"。
呢三種感覺同時o係今日強烈咁出左黎,so upset ! 亦令我同時後悔到,我真係冇好好咁珍惜過"你" ! 11-5-08~母親節禮物
OTO 頸肩鬆 按摩器! 話就話係母親節禮物,不過我一定會自己攞黎用。如果我唔用黎鬆一鬆,我又邊會再有power再努力返工搵錢呀!呢舊咁既野,都唔平架!!! 10-5-08~新髮型
本來我唔係想電到咁,但我又形容唔到俾師傅知我想要電到點樣,但得出黎既效果都接受到. 後面睇又幾似個乞衣架喎,蒙個塊面都可以去乞食。不過冇說服力丫,因為,邊有咁肥既乞衣架... 9-5-08~靈異照片...話說當晚我地影相,影完相之後睇番,發現我地個頭後面多左兩個疑似人頭...係一男一女...好驚...
24~25-4-08~悠長假期的最後兩天24-4-08~長洲半天遊
中午飲茶時都飲啤酒,就令我諗起年半前去海南島時,早午晚宵夜時都飲酒.但係好開心架,咁先似渡假架嘛!
25-4-08~澳門之戰14小時
唔想多講,就係慘敗歸來囉...
21-4-08凌晨~悠長假期的第5天──實現計劃!由於天雨關係,同埋只有星期六、日先可以有船去東平洲。所以『計劃1 東平洲一遊』我係取消左既。唯有下次去啦!
而剛才我屎忽未痕完,所以我就實現我既『計劃4 瘋狂食蒜頭』。
今日,呢碟餸係──驚臭你唔死雜錦炒埋一堆
等我介紹一下材料:
蒜頭 十幾粒
洋蔥 半個
青椒 一個
青蔥 兩棵
芫茜 一棵
首先,開火。然後,放晒所有材料落個鑊度係咁炒,係咁炒,係咁炒...味道自己調校啦!
咁就完成我今日呢個──驚臭你唔死雜錦炒埋一堆!
好味指數**** 口臭指數*****
想約會我既朋友,請你盡量唔好揀聽日...
20-4-08晚~悠長假期的第4天──屎忽痕!當我呢幾日食飽就訓,訓飽又食,食飽就大字形訓o係梳化打nds同睇電視既時候,
我就發現...原來係會屎忽痕!
而o係我屎忽咁痕既時候,我行左落街,買左d水果。
返到屋企,我個屎忽依然係好痕。
咁我就好興奮咁將一個半既橙+半個蘋果+一個芒果,將佢地榨成汁!
而得出黎既係...
一pat杰達達既野...
(仲有半杯o係雪櫃,睇下聽日邊個好心人打開個雪櫃見到呢杯正野,大仁大義咁將佢飲左佢啦
 ) |
|||||||||
Send a private message
Subscribe to RSS feed
Tell a friend
Add to My MSN
Add to your network
Sign up for alerts
|
|
